Журналіст Павел Мажэйка падаў апеляцыйную скаргу на свой прысуд

Нагадаем, 26 ліпеня Гродзенскі абласны суд вынес прыгавор журналісту і грамадскаму дзеячу Паўлу Мажэйку і былой адвакатцы Юліі Юргілевіч. Суддзя Максім Філатаў прысудзіў Паўлу 6 гадоў калоніі ўзмоцненага рэжыму, Юліі — 6 гадоў калоніі агульнага рэжыму. Менавіта столькі запрасіў пракурор Дзмітрый Сініла.

Паўла і Юлію судзілі паводле ч. 2 арт. 361–4 Крымінальнага кодэкса за садзейнічанне экстрэмісцкай дзейнасці, учыненае паўторна групай асоб па папярэдняй змове. Іх абвінавацілі ў перадачы звестак тэлеканалу «Белсат» у лютым–сакавіку 2022 года, што расцанілі як «спрыянне экстрэмісцкай дзейнасці». (3 лістапада 2021 года беларускія ўлады прызналі тэлеканал «Белсат» «экстрэмісцкім фармаваннем».) У справе няма ніякіх прамых доказаў віны, а такія жорсткія тэрміны былі прысуджаныя на падставе двух званкоў па тэлефоне.

Суддзя Філатаў — рэкардсмен па палітычных прысудах. Менавіта ён прызначыў 5 гадоў калоніі грамадскаму актывісту Вітольду Ашурку, вынес прысуды ад 2,5 да 25 гадоў калоніі фігурантам «справы Аўтуховіча».

Філатаў родам з Ліды, мае сярэднюю юрыдычную адукацыю: скончыў юрыдычны факультэт Лідскага педагагічнага каледжа. Пачынаў з пасады судовага выканаўцы, з 2019 года займаў пасаду намесніка старшыні суда ў Лідзе. Яго адданая служба сістэме на хвалі рэпрэсій апошніх трох гадоў зрабіла яму проста нечуваную кар’еру: 31 снежня 2021 года Лукашэнка прызначыў яго суддзёй Гродзенскага абласнога суда, а пасля вынясення прысуду Паўлу Мажэйку ён практычна адразу пайшоў на чарговае падвышэнне – у Вярхоўны Суд.

Чытайце яшчэ:

Журналіст Анджэй Пачобут бліжэйшыя паўгода правядзе ў камеры

«Турэмныя дзённікі» Вольгі Класкоўскай. Злавесны цень НКВД і той, хто смяецца апошні

Паўла Падабеда перавялі ў магілёўскі следчы ізалятар