25 ліпеня будзе разглядацца апеляцыя Валерыі Касцюговай

Разглядаць скаргу прызначаны суддзя Вярхоўнага суда Уладзімір Чаравач.

Валерыя Касцюгова — паліталагіня, заснавальніца і рэдактарка сайта экспертнай супольнасці «Наше мнение», рэдактарка і аўтар «Беларускага штогодніка» і кіраўніца групы экспертаў па маніторынгу «Беларусь у фокусе» — была затрыманая 30 чэрвеня 2021 года супрацоўнікамі КДБ пасля вобшуку ў яе жыллі.

Жанчыну змясцілі ў ізалятар на Акрэсціна, адтуль перавялі ў СІЗА № 1. Амаль два гады яна правяла на «Валадарцы» ў чаканні суду і яшчэ некалькі месяцаў — пакуль прысуд уступіў у законную сілу. За кратамі сустрэла свой 55-гадовы юбілей.

Валерыю Касцюгову судзілі разам з Таццянай Кузінай — адной з заснавальніц праекта SYMPA, даследчыцы ў сферы дзяржаўнага кіравання. Кузіну затрымалі на дзень раней за Касцюгову ў мінскім аэрапорце на пашпартным кантролі перад рэйсам на Тбілісі.

У чым канкрэтна звінавацілі жанчын-экспертак, застаецца не вядомым: з адвакатаў узялі падпіскі пра неразгалошванне, а суд праходзіў у закрытым рэжыме.

Чытайце яшчэ: 

На волю выйшаў праваабаронца Леанід Судаленка. Ён цалкам адбыў тэрмін

Дырэктара газеты «Белорусы и рынок» Канстанціна Залатых дадалі ў «спіс экстрэмістаў»

Экс-журналиста СТВ и его жену приговорили к 3 годам «домашней химии»