У віцебскай калоніі памёр блогер Мікалай Клімовіч
7 мая 2023
У віцебскай калоніі № 3 памёр 61-гадовы блогер з Пінска Мікалай Клімовіч. Пра заўчасную смерць палітвязня за кратамі стала вядома сёння праваабаронцам "Вясны". Напрыканцы лютага суд Пінскага раёна і г. Пінска пакараў спадара Клімовіча пазбаўленнем волі тэрмінам на адзін год па абвінавачанні ў абразе Аляксандра Лукашэнкі.
Такі прысуд паводле арт. 368 Крымінальнага кодэкса (“Абраза прэзідэнта Рэспублікі Беларусь”) 28 лютага 2023 года вынес суддзя Андрэй Бычыла па прапанове пракурора Іллі Гузарэвіча.
Пад пераслед Мікалай Клімовіч трапіў у снежні 2022 года, калі сілавікі на ягонай старонцы ў сацыяльнай сетцы выявілі палітычную карыкатуру на Аляксандра Лукашэнку, які быў намаляваны ў нацыскай форме.
21 красавіка Брэсцкі абласны суд разгледзеў і пакінуў без задавальнення скаргу Мікалая Клімовіча на прысуд. Да апеляцыі пінчука ўтрымлівалі ў Баранавіцкім следчым ізалятары № 6, пасля перавялі ў папраўчую калонію «Віцьба‑3» пад Віцебскам. 5 траўня МУС Беларусі ўнесла яго ў так званы спіс экстрэмістаў.
Мікалай Клімовіч меў інваліднасць II групы праз хваробу сэрца і перанесены інсульт.
Беларуская асацыяцыя журналістаў выказвае шчырыя спачуванні родным і блізкім спадара Мікалая.
Па тэме:
Год калоніі за карыкатуру на Лукашэнку: агучылі прысуд блогеру
Блогер з Пінска Мікалай Клімовіч падаў апеляцыйную скаргу на прысуд
Блогера Мікалая Клімовіча з Пінска этапавалі ў Баранавічы
@bajmedia
Незалежная асацыяцыя журналістаў Сербіі правяла акцыю салідарнасці з беларускімі палітзняволенымі калегамі
18.09.2024
Кацярына Пытлева стала вядучай новага акаўнта «Люстэрка» у TikTok
12.05.2024
«Экстрэмісцкімі» прызналі старонку ў TikTok «Навiны Гродна i вобласцi» і Telegram-канал «Новостной чат: Украина, Беларусь, Россия»
02.09.2024
Воспитанников военно-патриотических клубов будут учить «журналистике»
07.06.2024
