Генпракуратура РФ прызнала непажаданымі ў краіне Bellingcat і Insider

Генпракуратура прызнала непажаданай у Расіі дзейнасць унесеных у РФ у рэестр СМІ-іншаагентаў выданняў Belling­cat і Insid­er, а таксама чэшскага Інстытута прававой ініцыятывы Цэнтральнай і Усходняй Еўропы, паведамляе Euronews.

«Паводле вынікаў вывучэння матэрыялаў Генпракуратурай РФ прынятая пастанова аб прызнанні непажаданай на тэрыторыі РФ дзейнасці замежных няўрадавых арганізацый Belling­cat Ltd. (Вялікабрытанія), Sticht­ing Belling­cat (Нідэрланды), The Insid­er (Латвія), «Інстытут прававой ініцыятывы Цэнтральнай і Усходняй Еўропы» (Чэхія)», — цытуе прадстаўніка Генпракуратуры РФ расійскае інфармацыйнае агенцтва «Інтэрфакс».

Дзейнасць арганізацый «уяўляе пагрозу асновам канстытуцыйнага ладу і бяспекі РФ», заявілі ў ведамстве.

Супрацоўнікі Belling­cat і Insid­er займаюцца журналісцкімі расследаваннямі. У адным з іх яны высветлілі, што група супрацоўнікаў ФСБ, як мяркуецца, арганізаваная атручэнне палітыка Аляксея Навальнага і яшчэ некалькіх чалавек, таксама здзейсніла дзве спробы атруціць журналіста і палітыка Уладзіміра Кара-Мурзу ў 2015 і 2017 гадах.