Затрыманым супрацоўнікам «Нашай Нівы» прад’явілі абвінавачванне
28 ліпеня 2021
Сёння скончылася 10 сутак ад моманту паўторнага затрымання супрацоўнікаў НН па крымінальнай справе, калі следства павінна было прад’явіць абвінавачванне. Ягора Марціновіча і Андрэя Скурко не вызвалілі, яны застаюцца ў СІЗА на Валадарскага. Вынікае, што ім прад’явілі абвінавачванне па ч.2 арт. 216 КК (нанясенне маёмаснай шкоды без прыкметаў раскрадання групай асобаў).
Сэнс прэтэнзіяў у тым, што аплата за камунальныя паслугі памяшкання была па тарыфах для фізасобаў, а трэба было плаціць па тарыфах для юрасобаў. Следчыя налічылі, што за чатыры прадпрыемству «Мінэнэрга» быў нанесены ўрон — 3,5 тысячы рублёў.
Само прадпрыемства з прэтэнзіямі ніколі не звярталася.
Супрацоўнікі «Нашай Нівы» прызнаныя палітвязнямі. Ягор Марціновіч пры затрыманні збіты, у СК яму вылікалі хуткую дапамогу. Андрэй Скурко хворы на дыябет, у СІЗА ён адразу патрапіў у медчастку — выявіліся праблемы з лёгкімі.
Напісаць лісты журналістам можна на адрас 220030, г. Мінск, вул. Валадарска, 2. СІЗА‑1
Спіс адрасоў зняволеных журналістаў ТУТ.
@bajmedia
BYSOL адкрыў дабрачынны збор у падтрымку палiтзняволеных беларусак
27.02.2024
«Як жа нам не хапае яго ў гэты жудасны час…» Памяці журналіста Васіля Мацкевіча
11.04.2024
У Музеі ў Цеханоўцы адкрылася выстава журналісткі Кацярыны Ваданосавай
06.09.2024
Акаўнты «Вот Так», артыкулы «Хартыі’97» і іншыя: папаўненне «экстрэмісцкага спісу» Мінінфарма
19.08.2024
