Зняволенаму журналісту Анджэю Пачобуту не перадаюць лекаў для сэрца
2 чэрвеня 2021
Пра гэта расказала жонка палітзьняволенага журналіста Аксана Пачобут. Паводле яе інфармацыі, лекі для Анджэя прынялі ў СІЗА Жодзіна, аднак потым не перадалі непасрэдна Пачобуту. У яго хворае сэрца, зьбіваецца рытм.
Трох палітзьняволеных зь незарэгістраванага беларускімі ўладамі Саюзу палякаў Беларусі — Ірэну Бярнацкую, Марыю Цішкоўскую і Ганну Панішаву — вывезьлі ў Польшчу зь СІЗА. Яны ня маюць права вярнуцца ў Беларусь.
Вядома, што вызваленьне ўзамен на дэпартацыю з краіны прапаноўвалі таксама Анджэю Пачобуту і старшыні незарэгістраванага СПБ Анжаліцы Борыс, але яны адмовіліся.
«Справа палякаў»
10 сакавіка сілавікі завялі крымінальную справу за правядзеньне імпрэзы ў польскай сацыяльнай школе скаўтаў імя Рамуальда Траўгута ў Берасьці. Тады затрымалі сузаснавальніка школы, 43-гадовага берасьцейца, і дырэктарку Ганну Панішаву. Пазьней стала вядома аб ператрусах у Лідзе, Ваўкавыску і затрыманьнях Ірэны Бярнацкай і Марыны Цішкоўскай.
23 сакавіка ў Горадні затрымалі Анжаліку Борыс, а яшчэ праз два дні — Анджэя Пачобута.
Усіх арыштаваных у «Польскай справе» праваабаронцы прызналі палітычнымі зьняволенымі. Санкцыя крымінальнага артыкула прадугледжвае ад 5 да 12 гадоў пазбаўленьня волі.
@bajmedia
Памёр выкладчык журфака БДУ. Пасля 2020 года ён даносіў на студэнтаў
27.11.2023
Amnesty International заклікала вызваліць Алеся Бяляцкага на фоне паведамленняў аб пагаршэнні ягонага здароўя
12.07.2024
У гадавіну затрымання Андрэя Аляксандрава і Ірыны Злобінай ARTICLE 19 патрабуе вызвалення палітвязняў
12.01.2024
БАЖ зноў вылучыў Нацыянальны саюз журналістаў Украіны на прэмію ЮНЭСКА/Гільерма Кано
14.02.2024
