Затрымалі журналістаў Іллю Маліноўскага і Максіма Гарчанка
22 красавіка 2021
Сёння днём затрымалі журналістаў-фрылансераў Іллю Маліноўскага і Максіма Гарчанка. Іх машыну па дарозе ў Пінск спыніла міліцыя.
Вядома, што журналісты ехалі ў бок Пінска. Іх машыну спынілі сілавікі. Як паведамляе «Белсат», міліцыянты павезлі Іллю і Максіма ў райцэнтр.
Каля 23‑й гадзіны стала вядома, што Іллю Маліноўскага і Максіма Гарчанка вызвалілі. У іх забралі відэатэхніку і мабільныя тэлефоны.
Ілля Маліноўскі — лідэр групы «Дрымон», супрацоўнічае з многімі медыя.
Максім Гарчанок — журналіст-фрылансер, супрацоўнічае з тэлеканалам «Белсат».
Журналіст Ілля Маліноўскі распавёў, што за дзевяць гадзін у адзяленні міліцыі ім нават не далі вады папіць. Але больш за ўсё яго абурылі здзекі з беларускай мовы і патрабаванні размаўляць па-руску.
Па выніку журналіста адпусцілі і нават пратакол не склалі, але забралі відэатэхніку і мабільныя тэлефоны.
@bajmedia
Прыпыніла выхад дзіцячая «Паласатая газета»
29.12.2023
«Это абсурд». В Минске начинается самый массовый заочный суд по делу «аналитиков Тихановской» — вот их заявление
31.05.2024
3 траўня БАЖ і СЖЛ запрашаюць калег у Вільні на акцыю салідарнасці з журналістамі за кратамі
02.05.2024
У Глыбокім судзілі фатографа Айвара Удрыса
20.09.2024
