Тэлефон журналіста Гардзіевіча, якога вінавацяць ў абразе прэзідэнта, зноў адправілі на экспертызу
21 студзеня 2021
Карэспандэнт сайта “Першы Рэгіён” Сяргей Гардзіевіч зараз знаходзіцца пад хатнім арыштам у Драгічыне. У дачыненні да яго распачата крымінальная справа паводле часткі 1 артыкула 368 Крымінальнага кодэкса РБ (“Абраза прэзідэнта Рэспублікі Беларусь”).
Адвакат Зоя Дворак паведамляе, што днямі Сяргея Гардзіевіча выклікалі да следчага, дзе азнаёмілі з новай пастановай аб прызначэнні экспертызы яго мабільнага тэлефона.
“Гаворка ідзе пра той жа тэлефон, які ўжо быў прадметам даследавання экспертаў. Аднак прызначылі паўторную экспертызу: верагодна лічаць, што можна будзе атрымаць інфармацыю, якую не атрымалі ў першы раз”, — распавяла адвакат.
Не выключана, што падчас першай экспертызы проста не атрымалася разблакаваць тэлефон.
“Калі б усё было проста, мы б рухаліся да лагічнага завяршэння справы. Але зараз прызначаюцца ўсё новыя экспертызы і, адпаведна, можна меркаваць, што ёсць моманты, без якіх не ўяўляецца магчымым скончыць следства і прыйсці да нейкага канчатковага выніку ці высновы”, — кажа адвакат.
Карэспандэнт “Першага Рэгіёна” Сяргей Гардзіевіч знаходзіцца па хатнім арыштам з 25 снежня, абвінавачванне ў абразе прэзідэнта яму было прад’яўлена ў апошні дзень мінулага года. Журналіст не прызнае віну і не дае паказанняў супраць сябе, карыстаючыся гэтым правам згодна з артыкулам 27 Канстытуцыі Беларусі.
@bajmedia
«Доўгія тэксты чытаць не будуць». Рэдактарка раёнкі патлумачыла, чаму праграмы кандыдатаў у дэпутаты амаль незаўважныя ў дзяржаўных СМІ
19.02.2024
Вядомы фотапраект «Пагоркі і грудкі», які спрабуе раскрыць філасофію беларускага пейзажу, едзе ў Вільню
27.06.2024
Андрэй Бастунец: Больш за 20 беларускіх медыяарганізацый прызнаныя «экстрэмісцкімі фармаваннямі»
14.12.2023
«Ён ужо дома». Дачка Рыгора Кастусёва расказала пра першую гутарку з бацькам пасля вызвалення
04.07.2024
