Затрыманыя супрацоўнікі Прэс-клуба застаюцца пад вартай. Іх падазраюць ва ўхіленні ад выплаты падаткаў
24 снежня 2020
Затрыманыя супрацоўнікі Прэс-клуба застаюцца пад вартай. Такая мера стрымання абраная Генеральнай пракуратурай. Пра гэта Tut.by паведаміў адвакат Антон Гашынскі.
Пад вартай застаюцца стваральніца Прэс-клуба Юлія Слуцкая, праграмны дырэктар Ала Шарко, фінансавы дырэктар Сяргей Альшэўскі, кіраўнік Акадэміі Прэс-клуба Сяргей Якупаў, аператар Пётр Слуцкі.
Яны знаходзяцца ў статусе падазраваных па крымінальнай справе па частцы 2 артыкула 243 КК (Ухіленне ад выплаты падаткаў у асабліва буйным памеры).
Сёння ўсіх затрыманых дапыталі ў Дэпартаменце фінансавых расследаванняў КДК.
Як распавёў Антон Гашынскі, у дачыненні да іх абраная мера стрымання ў выглядзе заключэння пад варту. Яны будуць знаходзіцца ў СІЗА.
— Далей крымінальная справа павінна быць перададзена ў Следчы камітэт, які на працягу 10 дзён вырашыць пытанне аб выстаўленні абвінавачвання.
@bajmedia
Фільм «Пад шэрым небам», натхнёны гісторыяй журналістаў Кацярыны Андрэевай і Ігара Ільяша, пакажуць на кінафестывалі ў Гдыні
11.09.2024
16 лістапада ў Мінску пачалі судзіць журналістку Вольгу Радзівонаву
16.11.2024
«Важны дзень добрых навін». Кацярына Пытлева расказала пра свой стан пасля аперацыі
06.03.2024
Ці можа сертыфікацыя JTI ад «Рэпарцёраў без межаў» стаць новай магчымасцю для беларускіх медыяў? Разбіраемся
26.06.2024
