Мінскі правайдар абвясціў, што будзе блакаваць замежныя DNS
4 верасня 2020
З 15 верасня ў дзяржаўных установах, падключаных да сеціва праз правайдара "Деловая сеть", абмяжоўваюцца спосабы абыходу блакавання сайтаў. Гэта хаця і маленькі, але яшчэ адзін крок па ўзмацненні кантролю за інфармацыйнай прасторай у Беларусі.
Спецыяліст, абазнаны ў тэхнічных дэталях, тлумачыць Еўрарадыё, што, ўлічваючы характар блакаванняў інтэрнэту ў мінулыя разы, у іншых правайдараў (з больш-менш значнай кліенцкай базай) усе гэтыя абмежаванні ўжо даўно працуюць. «Цяпер і «Деловую сеть» падагналі ў гэты бок», — робіць выснову наш суразмоўца.
Тэхналогіі, пра якія ідзе гаворка, могуць быць нацэлены на бяспеку. «Але на гэты конт ёсць сумневы, асабліва ўлічваючы, што так «своечасова» выконваецца загад ААЦ», — працягвае спецыяліст.
«Деловая сеть» на сваім сайце заяўляе, што яе кліенты — больш за 4100 арганізацый з IT, банкаўскай галіны, рытэйлу, прамысловасці і сферы паслуг.
@bajmedia
Мікола Дзядок: аўтар «Новага часу» 1420 дзён за кратамі
02.10.2024
Савет міністраў замежных спраў СНД прыняў заяву «ў абарону правоў СМІ»
15.04.2024
Ізноў затрымана рэдактарка светлагорскага «Ранку». Яе калега таксама ў ІЧУ
08.12.2023
У Латвіі забаранілі доступ да сайтаў АНТ і «СБ. Беларусь сегодня». Мінінфарм абурыўся
19.03.2024
