Журналіста Арцёма Ляву ўсю ноч пратрымалі ў РАУСе
27 жніўня 2020
Прэс-служба ГА "Беларуская асацыяцыя журналістаў"
У Мінску пасля акцыі на Плошчы Незалежнасці вечарам 26 жніўня знік журналіст Арцём Лява.
Пасля здымак акцыі на плошчы Незалежнасці журналіст Арцём Лява дайшоў да сваёй машыны, прыпаркаванай на вуліцы Камсамольскай. Праз некалькі хвілін машыну заблакаваў мікрааўтобус сілавікоў.
Арцёма затрымалі, даставілі ў Кастрычніцкі РАУС, туды ж прыгналі машыну. Там машыну журналіста агледзелі, разблакавалі і правяралі тэлефон.
Усю ноч Арцёма пратрымалі ў міліцыі, родным адмаўляліся паведаміць, што журналіст там.
А 7 раніцы Арцёма Ляву вызвалілі без складання пратаколаў. На развітанне спыталі: “Ну, вы ж да нас прэтэнзій не маеце?”.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
