Да пастарунку, дзе трымалі аператара «Белсату», прыязджала дзяржаўнае ТБ
23 ліпеня 2020
У Мінску, а таксама па дарозе ў Барысаў, дзе сёння мусіла адбыцца сустрэча з кандыдаткай у прэзідэнты Святланай Ціханоўскай, затрымалі траіх журналістаў.
У Мінску затрыманы журналіст Арцём Лява. Ён запісваў у цэнтры відэаінтэрв’ю. Супрацоўнікі міліцыі забралі Арцёма Ляву ў Маскоўскі РАУС. Праз некаторы час Арцёма адпусцілі з фармуліроўкай «у сувязі з малазначнасцю эпізода адпускаем, але вы падумайце, што надалей могуць быць вялікія штрафы, ці трэба яно вам».
Па дарозе ў Барысаў затрыманыя журналісты «Белсата» Алена Дубовік і Віталь Дубік. Алена сказала, што супрацоўнікі ДАІ, відавочна, чакалі іх машыну на выездзе з Мінска.
Пазней Алена Дубовік паведаміла, што аператара Віталя Дубіка забралі ў РУУС Смалявічаў на падставе таго, што він-нумар машыны не сыходзіцца. Яе з РУУС папрасілі сысці.
Праз некаторы час міліцыянты пачалі аглядаць машыну Дубіка без ягонай прысутнасці.
У гэты момант на месца падзеі прыехала здымачная група дзяржаўнага тэлебачання. Імаверна, гаворка вядзецца пра адзін з каналаў Белтэлерадыёкампаніі. Каментаваць што-небудзь яны адмовіліся.
Прычыну затрымання міліцыя называць адмаўлялася.
Алена Дубовік заўважыла, што міліцыянты перадавалі нейкія дакументы для здымкі дзяржаўнаму ТБ.
Прыкладна а 21‑й гадзіне Віталя адпусцілі з пастарунку. На яго склалі пратакол паводле арт. 18.2 КаАП (парушэнне правілаў бяпекі эксплуатацыі транспарту).
«Мне падаецца, што яны проста цягнулі час, каб мы не даехалі да Барысава і не правялі стрым», — цытуе аператара belsat.eu.
@bajmedia
Хто з медыяў трапіў у спіс «экстрэмісцкіх фармаванняў» у 2023 годзе
10.01.2024
Заснавальнік платформы «Новая Беларусь» анансаваў укараненне персаналізаванай стужкі навін і выкарыстанне штучнага інтэлекту
04.12.2023
Медыя Warta прызналі «экстрэмісцкім»
21.12.2023
Экстрэмісцкай інфармацыйнай прадукцыяй прызналі кантэнт рэгіянальных выданняў «Магілёў.Media» і «Першы Пінскі»
05.01.2024
