Блогеру Ціханоўскаму, які сядзіць у ІЧУ, далі яшчэ 15 сутак арышту
18 мая 2020
Суд Савецкага раёна Гомеля 18 траўня асудзіў блогера Сяргея Ціханоўскага, які адбывае 15-дзённы арышт у ІЧУ Гомеля, яшчэ на 15 дзён арышту. Пра гэта TUT.BY распавялі ў канцылярыі суда.
Сяргей Ціханоўскі ў Гомельскім абласным судзе 7 лютага
15 сутак Ціханоўскі атрымаў за адміністрацыйнае правапарушэнне. За якое менавіта і калі яно было здзейснена, у канцылярыі суда ўдакладніць не змаглі. Такім чынам, Ціханоўскі выйдзе на волю толькі 5 чэрвеня.
Сяргея Ціханоўскага затрымалі шостага траўня пад Магілёвам. Ён змешчаны ў ізалятар часовага ўтрымання Гомеля. Падставай для затрымання блогера стала пастанова суда Савецкага раёна горада Гомеля аб адміністрацыйным арышце, вынесеная яшчэ ў студзені. А менавіта пастанова аб 15 сутках арышту за ўдзел у акцыі супраць інтэграцыі з Расеяй 20 снежня. Блогер быў асуджаны па ч.1 арт. 23. 34 Каап (удзел у несанкцыянаваным масавым мерапрыемстве).
Будучы ў ІЧУ, Ціханоўскі заявіў, што мае намер прыняць удзел у прэзыдэнцкіх выбарах. Яго давераная асоба — жонка Святлана — падала ў ЦВК дакументы на рэгістрацыю ініцыятыўнай групы, але ЦВК адмовіўся рэгістраваць групу Сяргея Ціханоўскага. Пасля адмовы Святлана Ціханоўская падала ў ЦВК дакументы на рэгістрацыю ініцыятыўнай групы па вылучэнні яе ў якасці кандыдата ў прэзідэнты.
@bajmedia
TikTok «Новага Часу» заблакавалі праз фейкавыя скаргі
13.03.2024
Прэзідэнт Польшчы ўзгадаў пра журналіста Анджэя Пачобута падчас саміту ААН
13.12.2023
«42 месяца. 1276 дней…» Близкие Катерины Андреевой напомнили, что журналистка уже 3,5 года в тюрьме
15.05.2024
Дзяржаўная газета з Пінска заклікае чытачоў збіраць падарункі для дзяцей Данбаса
15.12.2023
