Супраць яшчэ аднаго юнака распачалі справу за распаўсюд фільму Nexta
18 мая 2020
На 19-гадовага менчука Андрэя Міхалевіча склалі пратакол за «пашырэньне экстрэмісцкіх матэрыялаў» (арт. 17.11 КаАП), бо апублікаваў «УКантакце» фільм блогера Nexta «Лукашэнка. Крымінальныя матэрыялы», піша Праваабарончы цэнтар «Вясна».
Зь Міхалевічам правёў прафіляктычную гутарку ўчастковы А. Шалей. Паводле артыкулу за «распаўсюд экстрэмісцкіх матэрыялаў» юнаку пагражае арышт або штраф ад 270 да 1350 рублёў з магчымай канфіскацыяй «сродку ўчыненьня парушэньня».
Міхалевіч сьцьвярджае, што апублікаваў відэа яшчэ 28 кастрычніка 2019 году, а рашэньне аб прызнаньні стужкі «экстрэмісцкай» набыло моц 7 сьнежня, і пра гэтае рашэньне ён ня ведаў. Калі супрацоўнік міліцыі першы раз патэлефанаваў яму, хлопец выдаліў відэа.
У мінулым месяцы за той самы фільм у Гомлі аштрафавалі на 405 рублёў электрамантэра «Гомсельмашу» Ігара Мазейку.
@bajmedia
У спіс экстрэмісцкай прадукцыі трапіў Instagram-акаўнт «Брестской газеты»
21.03.2024
Крымінальную справу супраць кіраўніка «Маланка Медыя» Паўла Марыніча перадалі ў суд
22.02.2024
За некалькі тыдняў беларусы сабралі дапамогу былой палітвязынцы
15.10.2024
З’явілася новае беларускае рэаліці-шоу: модныя фатографы паказваюць унутраную кухню сваіх фотасесій
24.01.2024
