Зміцер Лупач пачаў адбываць пакаранне арыштам, якое прызначыў яму Глыбоцкі раённы суд
16 мая 2020
З вечара 15 траўня журналіст-фрылансер Зміцер Лупач пачаў адбываць пакаранне арыштам, якое прызначыў яму Глыбоцкі раённы суд. 10 сутак журналіст правядзе ў ізалятары часовага ўтрымання пры Глыбоцкім РАУС. На волю мусіць выйсці ў пятніцу — 22 мая, бо суддзя залічыў тыя суткі, якія ён правёў у ізалятары з моманту затрымання 8 мая да суда.
Суддзя Андрэй Тарасевіч 11 мая пакараў Змітра Лупача арыштам за сустрэчу з блогерам Сяргеем Ціханоўскім, абвінаваціўшы ў парушэнні заканадаўства аб масавых мерапрыествах. Пасля суда журналісту стала дрэнна, і яго адвезлі ў лякарню, дактары выявілі хваробу сэрца. Па гэтай прычыне Змітру далі адтэрміноўку, міліцыянты нават узялі распіску, што ён сам прыдзе ў пастарунак у панядзелак 18 мая. Але 15 мая зранку Лупачу патэлефанавалі з міліцыі і сказалі, што неабходна явіцца для адбыцця пакарання ў пятніцу, так загадала міліцэйскае кіраўніцтва.
Зміцер Лупач паспеў падаць касацыйную скаргу на рашэнне Глыбоцкага райсуда ў Віцебскі абласны суд і наведаць цырульню. Але, кажа, прывесці ў парадак сацыяльныя сеткі не паспеў — спадзяваўся зрабіць гэта на выходных, ды ў гэтыя дні ўжо будзе ў ізалятары.
Паводле слоў журналіста, за час пераследу шмат людзей яму напісалі словы падтрымкі, і ён шчыра ўдзячны ўсім за салідарнасць і падтрымку.
@bajmedia
Отдельный выпуск «Студыі Белсат» внесли в список экстремистских материалов
04.12.2023
Галоўнай рэдактаркай «Гродзенскай праўды» стала ідэолаг аблвыканкама
23.01.2024
16 лістапада ў Мінску пачалі судзіць журналістку Вольгу Радзівонаву
16.11.2024
Экспертка ААН: кейс Рамана Пратасевіча — гэта абуральны прыклад гвалтоўнага выкрадання
23.05.2024
