«Рэпарцёры без межаў» патрабуюць вызваліць затрыманых у Беларусі журналістаў
13 мая 2020
Вядомая праваабарончая арганіацыя "Рэпарцёры без межаў" (RSF) асуджае затрыманне пяці незалежных журналістаў за два дні ў Беларусі ў сувязі з асвятленнем вулічных акцый. Міжнародная супольнасць павінна націснуць на Беларусь, каб гарантаваць свабоду СМІ падчас выбараў, заяўляюць RSF.
У адмысловай заяве «Рэпарцёры без межаў” пералічваюць факты затрыманняў, судоў, арыштаў і штрафаў журналістам, якія зафіксаваныя ў Беларусі 11 і 12 траўня ў Магілёве, Глыбокім, Бабруйску.
«Гэты мэтанакіраваны пераслед напярэдадні прэзідэнцкіх выбараў відавочна мае на мэце запалохаць журналістаў і перашкодзіць асвятленню дзейнасці апазіцыі ў Беларусі, — заявіла Жанна Кавелье, кіраўніца бюро па пытаннях Усходняй Еўропы і Цэнтральнай Азіі RSF. — Гэтыя прысуды ігнаруюць артыкул 34 беларускага Закона аб СМІ, які дазваляе журналістам асвятляць публічныя мерапрыемствы. Нельга апраўдаць арышт гэтых журналістаў. Іх прысуды павінны быць адменены, і асноўнае права на інфармацыю павінна выконвацца».
Беларусь займае 153‑е месца са 180 краін, якія ўваходзяць у Сусветны індэкс свабоды прэсы 2020 года.
@bajmedia
Прэзідэнтка ЕФЖ падтрымала палітвязынку Ларысу Шчыракову
13.09.2024
Былая дырэктарка «Белсата» атрымала ўзнагароду ад прэзідэнта Польшчы
11.11.2024
29 снежня спаўняецца 45 гадоў журналісту Андрэю Кузнечыку. З іх апошнія два — палітвязень за кратамі
29.12.2023
Отдельный выпуск «Студыі Белсат» внесли в список экстремистских материалов
04.12.2023
