Сяргея Пятрухіна вырашылі трымаць пад вартай да суда. Па якой справе — невядома
7 мая 2020
Дзяжурны Ленінскага РАУС Брэста паведаміў мясцоваму праваабаронцу Уладзіміру Вялічкіну, што брэсцкі блогер Сяргей Пятрухін затрыманы на трое сутак і знаходзіцца ў ізалятары часовага ўтрымання.
Паводле слоў дзяжурнага, ён не ведае, калі будуць судзіць Сяргея Пятрухіна. Таксама невядома, на якой падставы яго затрымалі.
Пра знікненне Сяргея Пятрухіна, які вядзе папулярны youtube-канал “Народны рэпарцёр”, стала вядома ад яго калегі — Аляксандра Кабанава. Пятрухін збіраўся ехаць да іншага блогера — Сяргея Ціханоўскага (youtube-канал “Страна для жизни”), аднак у нейкі момант перастаў выходзіць на сувязь.
Падчас жывога эфіру блогера Уладзіміра Цыгановіча (MozgON) прагучала інфармацыя, што Пятрухін быў затрыманы супрацоўнікамі АМАПу ў вёсцы Востраў Пухавіцкага раёна (Мінская вобласць). Увечары 6 мая Цыгановічу паведамілі ў Пухавіцкім РАУС, што Сяргей Пятрухін знаходзіцца ў Брэсце, але на той час дзяжурны міліцыянт УУС Брэсцкага аблвыканкама гэтую інфармацыю не пацвердзіў.
@bajmedia
В Беларуси ликвидируют существующую 30 лет ассоциацию негосударственного ТВ
10.03.2024
Беларусь пагоршыла свае паказчыкі ў глабальным рэйтынгу Freedom House «Свабода ў інтэрнэце» за 2024 год
16.10.2024
Чарговае папаўненне ў спісе экстрэмісцкіх матэрыялаў
04.03.2024
Соцсеть X сделает лайки анонимными для защиты авторов твитов от нападок
12.06.2024
