У Швецыі забілі 16-гадовага сына беларускага журналіста Дзмітрыя Плакса
5 жніўня 2019
2 жніўня на марскім узбярэжжы ў Швецыі забіты Пятро Плакс — сын беларускага журналіста і літаратара Дзмітрыя Плакса. Пра гэта паведамляе «Радыё Свабода». Хлопцу было 16 гадоў.
Як піша шведскае выданне Expressen, падлетак забіў Пятра сякерай на пляжы ў камуне Салентуна на поўнач ад Стакгольма. Пасля гэтага ён сам патэлефанаваў у паліцыю і прызнаўся ў злачынстве.
З цяжкімі пашкоджаннямі галавы пацярпелы верталётам хуткай дапамогі быў дастаўлены ў лякарню, аднак уратаваць яго не ўдалося.
«Ён спачатку марыў стаць піяністам-канцэртмайстрам, але потым сказаў, што будзе рабіць кар’еру эвалюцыйнага псіхолага. Пры гэтым ніколі не пакідаў фартэпіяна, працягваў іграць і браць урокі. — Пятро быў суперталенавіты: чытаў навуковыя кнігі, яму ўсё было цікава… Найлепшы хлопец на свеце — заўсёды шчаслівы і з добрым настроем», — расказаў шведскім СМІ Дзмітры Плакс.
Незадоўга да трагедыі Пётр з мамай Вольгай 10 дзён правялі ў Менску. Малады чалавек сустракаўся з сябрамі і сваякамі, дзяліўся амбітнымі планамі.
Дзмітры Плакс — пісьменьнік, перакладчык, журналіст. Нарадзіўся ў Менску. З жонкай Вольгай пераехалі ў Стакгольм, дзе Дзмітры заснаваў беларускую службу «Радыё Швецыя». Сябар Саюза пісьменнікаў Швецыі і Саюза беларускіх пісьменнікаў.
Беларуская асацыяцыя журналістаў выказвае глыбокія спачуванні калегу. Нашы сэрцы разам з Вамі, Дзмітрый…
«У мяне тры начальнікі, і яны ўсе начальніцы». Дзьмітры Плакс пра падкасты і фэмінісцкі ўрад
@bajmedia
ГУР узламала серверы расійскіх тэлеканалаў
22.08.2024
В Азербайджане задержали 8 журналистов независимых медиа
05.12.2023
Беларускі расследавальніцкі цэнтр падтрымаў зняволеных калег у Кыргызстане
12.03.2024
Вышли расследования о гибели журналиста Reuters на Ближнем Востоке. CPJ призывает наказать виновных
11.12.2023
