Суд адхіліў іск прафсаюза РЭП да сайта belnovosti.by
14 лютага 2019
Суд Цэнтральнага раёна Мінска адмовіў у разглядзе іска прафсаюза РЭП у абароне гонару, годнасці і дзелавой рэпутацыі да сайта belnovosti.by. Кіраўнікі прафсаюза рыхтуюць апеляцыю. Справа тычыцца артыкула “Фіктыўны РЭП Фядыніча”.
“Гледзячы, як суддзя вядзе гэты працэс, як адмаўляе нашы хадайніцтвы, я быў падрыхтаваны да адмовы, — распавёў Еўрарадыё лідар прафсаюза РЭП Генадзь Фядыніч. — Будзем падаваць апеляцыю. Столькі фактаў без дакументаў на тым сайце. Карацей, адмовілі і кропка”.
У траўні 2018 года на сайце belnovosti.by з’явіўся матэрыял “Фіктыўны РЭП Фядыніча”. Аўтар сцвярджае, што пад прыкрыццём дзейнасці прафсаюза лідары арганізацыі атрымліваюць грошы для фінансавання свайго жыцця. Генадзь Фядыніч і Ігар Комлік яшчэ летась звярнуліся ў суд і патрабуюць ад сайта абвяржэння.
@bajmedia
«Экстрэмісцкімі» прызналі суполку праграмы «Белсата» у сацсетцы, мультфільмы «Заповедник» і Telegram-канал «Инсайдер UA»
16.05.2024
Дэмсілы дамагаюцца санкцый ЕС у дачыненні да тэлеканалаў АНТ і СТБ
28.04.2024
У шорт-ліст Прэміі праваабарончай супольнасці Беларусі ўвайшоў намеснік БАЖ Алег Агееў
30.11.2023
Памёр журналіст Вадзім Доўнар
05.11.2024
