У Віцебску стартаваў конкурс журналісцкіх публікацый “Грамадская стужка 2.0”
15 студзеня 2019
Да ўдзелу ў конкурсе запрашаюцца журналісты, аўтары і блогеры, якія працуюць у Віцебску і Віцебскай вобласці. Ад іх чакаюць матэрыялаў пра грамадскую актыўнасць, створаных у самых розных жанрах – ад газетнага матэрыялу да відэарэпартажу або фотасправаздачы.
Конкурс праводзіць Віцебскі рэгіянальны медыяцэнтр – моладзевая грамадская структура, якая летась арганізавала для ўсіх ахвотных навучальны курс “Медыя і актывізм”.
Паводле арганізатараў, мэта конкурсу “Грамадская стужка” палягае ў тым, каб прыцягнуць увагу да тэкстаў сацыяльнай, культурніцкай і грамадска значнай тэматыкі. Працы на конкурс прымаюцца з 14 да 27 студзеня. Пераможцу чакае галоўны прыз — смартфон. Больш падрабязна пра ўмовы конкурсу паведамляецца на сайце мясцовай культурніцкай пляцоўкі.
Папярэдні конкурс праходзіў у жніўні-верасні 2018 года. Разгледзеўшы 21 творчую працу, журы вызначыла трох пераможцаў. Адным з іх стаў сябра ГА “БАЖ” Аляксандр Кутынка за артыкул “В Витебске многодетная семья борется с застройщиком из-за плесени в новостройке”, надрукаваны ў газеце “Витебские вести”.
@bajmedia
У гадавіну затрымання Андрэя Аляксандрава і Ірыны Злобінай ARTICLE 19 патрабуе вызвалення палітвязняў
12.01.2024
Telegram-канал «BGmedia: новости – 2024» абвясцілі «экстрэмісцкім»
04.09.2024
TikTok заблакаваў акаўнты расійскага медыя Sputnik, у тым ліку і Sputnik Беларусь
22.09.2024
Суд Чыгуначнага раёна Гомеля прызнаў «экстрэмісцкімі» адразу 15 інфармацыйных рэсурсаў
09.09.2024
