Журналістку «Белсату» Кацярыну Андрэеву зноў аштрафавалі. Яна нават не ведае за што
6 чэрвеня 2018
Суд Савецкага раёну Менску аштрафаваў журналістку «Белсату» Кацярыну Андрэеву на 50 базавых велічыняў (1225 рублёў) за працу без акрэдытацыі – паводле арт. 22.9 ч. 2 КоАП (незаконны выраб і распаўсюд прадукцыі медыяў).
Судовае паседжанне адбылося яшчэ 23 траўня. Пастанову вынесла суддзя Вера Галаўкова.
Кацярына Андрэева на паседжанні не прысутнічала – ў гэты дзень яна працавала на форуме «Менскі дыялог», дзе як раз спрабавала даведацца ў кіраўніка МЗС Уладзіміра Макея, чаму беларускія ўлады не даюць «Белсату» акрэдытацыю. Пра вынік суду стала вядома толькі сёння.
«Судоў вельмі шмат. Яны ідуць канвеерам, таму нават фізічна не паспяваеш сачыць за чарговай пастановаю ці прыходзіць у міліцыю па позвах. Я, шчыра кажучы, не ведаю, за што канкрэтна мяне судзілі. Відаць, беларускім суддзям больш няма чаго рабіць, акрамя таго, як зноў і зноў штрафаваць журналістаў», – кажа Кацярына Андрэева.
Пачынаючы з 2017 года на Кацярыну было складзена ўжо 7 адміністратыўных пратаколаў за працу без акрэдытацыі.
@bajmedia
У магілёўскага журналіста Барыса Вырвіча адбыўся ператрус. Ён сам на свабодзе
06.12.2023
TVP мяняе структуру. «Белсат» і іншыя замежныя рэдакцыі пяройдуць пад кіраўніцтва аднаго цэнтру
04.07.2024
Віцебскі абласны суд пакінуў у сіле буйны штраф журналістцы Алене Шабуні
22.04.2024
Пракурор Магілёўскай вобласці пастанавіў заблакаваць доступ да сайта ініцыятывы INeedHelpBY
14.06.2024
