Офіс БАЖ наведала першы сакратар амбасады ЗША Элiзабэт Льюiс

У часе гадзіннай сустрэчы з кіраўніцтвам журналісцкага аб’яднання абмяркоўваліся праблемы недзяржаўнай прэсы ў Беларусі і ціск на калег.

Асаблівую ўвагу дыпламата прадстаўнікі Беларускай асацыяцыі журналістаў засяродзілі на пераследзе калег за супрацоўніцтва з замежнымі СМІ без акрэдытацыі.

— У мінулым годзе нашых калег 69 раз штрафавалі за нібыта незаконны выраб прадукцыі СМІ, які заключаўся ў працы без акрэдытацыі на замежнае выданне. Ад самага пачатку БАЖ лічыў і лічыць такія штрафы незаконнымі. Хваля пераследу калег не спыняецца і ў гэтым годзе — на сённяшні дзень мы маем ужо 33 такія судовыя пастановы, і гэта нас вельмі непакоіць, — заявіў старшыня БАЖ Андрэй Бастунец.

Таксама падчас сустрэчы абмяркоўваліся праблемы журналістаў з доступам да інфармацыі, затрыманні калег, а таксама пагрозы, якія для беларускай медыясферы нясуць прапанаваныя ўладамі змены ў заканадаўства аб СМІ.

Штрафы журналістам па арт. 22.9 КаАП (табліца, абнаўляецца)

«Свабода слова гэта натуральна, як дыхаць», — сёння Сусветны дзень свабоды прэсы

Еўрапейская федэрацыя журналістаў выступіла з заявай салідарнасці з беларускімі калегамі