Ананіч адказала Севярынцу: БТ законна публікавала праслухоўваньне ягонага тэлефона
26 верасня 2017
Сустаршыня «Беларускай хрысьціянскай дэмакратыі» Павал Севярынец атрымаў адказ ад міністаркі інфармацыі Беларусі Ліліі Ананіч на зварот аб публікацыі тэлеканалам «Беларусь-1» ягонай тэлефоннай размовы зь лідэрам «Маладога фронту» Зьмітром Дашкевічам у прапагандысцкім фільме «Звонок другу».
Паводле Ананіч, «Беларусь‑1» не парушала ніякіх законаў, у тым ліку не парушала права на абарону ад умяшаньня ў прыватнае жыцьцё і замах на тайну карэспандэнцыі, бо «самастойна не рабіла захадаў для атрыманьня запісу», брала матэрыялы «ў адкрытым доступе ў інтэрнэце і сродках масавай інфармацыі», а таксама матэрыялы, «перададзеныя праваахоўнымі органамі і органамі дзяржаўнай бясьпекі».
Сьледчыя раней адказалі Севярынцу, што запіс быў прадастаўлены «ананімнай крыніцай». Але ці на тэлевізіі атрымалі запіс ад праваахоўнікаў, ці «знайшлі ў інтэрнэце», з адказу незразумела.
У Беларусі проста так праслухоўваць чужыя размовы дэ-юрэ незаконна, але фактычна спэцслужбы могуць законна праслухоўваць любога: санкцыя пракурора не абавязковая, трэба толькі, каб КДБ ці СК атрымалі дазвол на праслухоўваньне ад сваіх начальнікаў.
@bajmedia
Приостановка членства Белтелерадиокомпании в EBU станет бессрочной
26.04.2024
Пасол Круты назваў «спланаванай правакацыяй» з’яўленне Агурбаш на Першым канале. Ён напісаў ліст Эрнсту
04.04.2024
Апеляцыйную скаргу журналіста Аляксандра Зянкова Вярхоўны суд будзе разглядаць 16 красавіка
12.04.2024
У Карме за экстрэмізм судзілі праўладнага блогера
22.10.2024
