Міліцыя затрымала жанчыну, якая зьняла відэа жорсткага затрыманьня ў менскім мэтро (ВІДЭА)
7 чэрвеня 2017
Жыхарка Менску Людміла Сінюк, якая зьняла відэа жорсткага затрыманьня ў менскім мэтро, затрыманая за нецэнзурную лаянку, паведаміў Свабодзе ейны сябра. Міліцыянты ў форме забралі жанчыну з працы, цяпер яе абвінавачваюць у дробным хуліганстве, адвезьлі ў пастарунак на плошчы Леніна.
«Проста прыйшлі і затрымалі. Сказалі, нібы нецэнзурная лаянка там на відэа, і за гэта яе забралі. Я толькі не разумею, як яны наогул вылічылі, што гэта яна здымала», — кажа Свабодзе сябра Людмілы.
19-гадовага менчука, якога пасьля інцыдэнту з удзелам міліцыянтаў і ахоўнікаў мэтро затрымалі на станцыі «Кастрычніцкая», вызвалілі з‑пад варты, абавязаўшы яго зьяўляцца на выклік да сьледчага. Пабілі яго законна, тлумачыў міністар унутраных спраў Беларусі Ігар Шуневіч. Прэсавы сакратар МУС нахаміў блогеру Антону Матольку ў адказ на пытаньні аб інцыдэнце.
@bajmedia
За спасылкі на «Витебский курьер news» будуць судзіць рэдактара выдання Аляксандра Корнышава
15.05.2024
Цяжкахворага беларускага журналіста Вадзіма Доўнара перавезлі з Украіну ў Польшчу
14.05.2024
Суд у Баранавічах прызнаў «экстрэмісцкім» папулярны мясцовы Instagram-акаўнт baranovichi.online
24.09.2024
Памерла Дзіяна Чаркасава, маці забітай у 2004‑м годзе журналісткі
24.06.2024
