Ластоўскі: Прынамсі адзін з завадатараў зрыву выступу пасла Сайдзіка затрыманы
16 лютага 2017
Прынамсі адзін з завадатараў зрыву выступу ў Менску спэцпрадстаўніка дзейнага кіраўніка АБСЭ Марціна Сайдзіка затрыманыі знаходзіцца ў Ленінскім РУУС сталіцы. Пра гэта агенцтву БелаПАН паведаміў афіцыйны прадстаўнік ГУУС Мінгарвыканкаму Аляксандр Ластоўскі. Паводле яго, па факце здарэння прызначана праверка. Ластоўскі, аднак, не паведаміў пра іншых удзельнікаў інцыдэнту.
Пасьля заканчэньня перамоваў трохбаковай кантактнай групы па ўрэгуляваньні канфлікту на ўсходзе Ўкраіны спэцпрадстаўнік дзейнага кіраўніка АБСЭ Марцін Сайдзік прыйшоў да журналістаў, каб расказаць пра іх вынікі.
Але як толькі ён сабраўся агалошваць прэс-рэліз, чацьвёра невядомых пачалі выкрыкваць абразы на адрас прэзыдэнта Ўкраіны Пятра Парашэнкі, скандаваць «Данбас — у склад Расеі». Таксама яны раскідалі ўлёткі з заклікам да кіраўніцтва Расеі спыніць перамовы з Украінай і накіраваць войскі ў Данецкую і Луганскую вобласьці Ўкраіны.
Прадставіліся гэтыя чацьвёра як «НБП», «нацболы». Пасьля акцыі яны спусьціліся ў фае, дзе зь імі пагутарылі расейскія журналісты.
Пасьля інцыдэнту прадстаўнікі МЗС Беларусі сказалі, што будуць ва ўсіх журналістаў, якія прыходзяць на брыфінгі, спраўджваць пасьведчаньні.
@bajmedia
Блогерку Алену Янушкоўскую праз суд выпісваюць з хаты, прададзенай уладамі ў яе адсутнасць
03.10.2024
Барыс Хамайда на волі. Былога распаўсюджвальніка незалежнага друку будуць судзіць 2 лютага
25.01.2024
«Разлютаваная бітва» за розумы моладзі і будучыню: што хвалюе чыноўнікаў Віцебшчыны
27.11.2023
Сербия решила выдать Андрея Гнёта в Беларусь
13.06.2024
