Дамініканскіх журналістаў застрэлілі падчас прамога эфіру

Адзін з журналістаў падчас эфіру вёў прамую Фэйсбук-трансляцыю.

На запісе, які доўжыцца каля двух хвілін — выступ вядучага Луіса Мануэля Медзіна, перарываецца гукамі стрэлаў і жаночымі крыкамі. Акрамя Медзіна загінуў таксама прадзюсер дамініканскага радыё 103FM Лео Марцінес.

Яшчэ адна жанчына атрымала агнястрэльныя раненні і цяпер знаходзіцца ў бальніцы. У паліцыі паведамілі, што напад адбыўся ў аўторак у Сан Пэдра дэ Макорыс, горадзе на ўсход ад сталіцы краіны Санта-Дамінга.

Арыштаваным пакуль не прад’яўленыя абвінавачванні. У паліцыі сказалі, што матывы тых, хто нападаў пакуль невядомыя. Гэта не першы выпадак нападу на журналістаў у ходзе прамога эфіру. У жніўні 2015 гады два амерыканскіх журналіста былі забітыя ў штаце Вірджынія падчас тэлетрансляцыі інтэрв’ю.