У Мінску адкрываецца канферэнцыя “Медыя Беларусі: выклікі і шанцы”

Да ўдзелу ў канферэнцыі запрошаны супрацоўнікі нацыянальных і рэгіянальных СМІ, прадстаўнікі Адміністрацыі прэзідэнта Беларусі, Міністэрства інфармацыі, Міністэрства замежных спраў, Міжнароднай федэрацыі журналістаў, дэпутаты Палаты прадстаўнікоў.

У працы канферэнцыі плануецца ўдзел прадстаўнікоў медыяінстытута Fojo, Саюза журналістаў Літвы, Саюза журналістаў Азербайджана і іншых міжнародных экспертаў.

Канферэнцыя адкрыецца панельнай дыскусіяй, прысвечанай заканадаўству ў сферы СМІ і практыцы яго прымянення. Удзел у ёй возьме прадстаўнік Офіса АБСЕ па пытаннях свабоды СМІ Айдар Батагараў.

У другой палове дня фокус абмеркавання будзе пераведзены на захаванне стандартаў журналістыкі, а таксама адбудзецца творчая сустрэча са Святланай Алексіевіч, трансляцыю з якой Вы зможаце паглядзець на нашым сайце.

Абмеркаванне ў другі дзень канферэнцыі будзе прысвечана эканамічным умовам працы СМІ ў Беларусі.

Праграма канферэнцыі — тут.