Мы вернем фінансаванне «Белсату», — маршалак Сенату Польшчы
12 студзеня 2017
Кіраўнік польскага Сенату Станіслаў Карчэўскі ў інтэрв’ю выданню «Rzeczpospolita» заявіў, што будуць уведзеныя папраўкі, якія дазволяць прафінансаваць дзейнасць «Белсату» «паводле ранейшых варункаў».
Журналіст выдання «Rzeczpospolita» запытаў Станіслава Карчэўскага, ці не ёсць памылкаю змяншэнне фінансавання «Белсату».
«Сенат увядзе папраўкі. Аднак меркаванні падзеленыя. Тэлебачанне «Белсат» мусіць функцыянаваць. Шаную здабытак дырэктаркі Агнешкі Рамашэўскай-Гузы ды ейнага калектыву, бо гэта добрая праца. Гэтае тэлебачанне мусіць быць фінансаванае такім чынам, каб магло свабодна і незалежна функцыянаваць. У Сенаце мы вернем фінансаванне «Белсату», каб сёлета канал мог працаваць паводле ранейшых варункаў», — заявіў марашалак Сенату.
Тэлеканалу нічога не пагражае: дырэктарка «Белсату» пасля сустрэчы з кіраўніцаю польскага ўраду
Рада БАЖ: «Белсат» стаў адным са значных элементаў нацыянальнай сістэмы СМІ
Што такое «Белсат» і колькі беларусаў яго глядзіць?
18 снежня міністр замежных справаў Польшчы Вітальд Вашчыкоўкі агучыў у інтэрв’ю выданню Wpolityce.pl, што ўрад замест тэлеканалу «Белсат» плануе стварыць адзіны канал вяшчання для палякаў замежжа.
Інфармацыя пра закрыццё «Белсату» выклікала буру дыскусіяў у беларускіх і ў польскіх медыях. Дырэктарка тэлеканалу Агнешка Рамашэўская-Гузы за апошнія дні дала некалькі інтэрвʼю польскім выданням, у якіх патлумачыла, чаму лічыць змяншэнне фінансавання каналу памылкаю.
@bajmedia
Папаўненне «экстрэмісцкага спісу» Мінінфарма: старонкі Асацыяцыі палітвязняў Беларусі, YouTube-канал «Беларусь за МКАДом»
22.07.2024
Журналісту Дзянісу Івашыну забаранілі дасылаць у турму асадкі і стрыжні для пісання
21.12.2023
Вярхоўны суд разгледзіць скаргу на прысуд да зняволення экс-журналісткі Алены Цімашчук
13.08.2024
АНТ апублікаваў фэйкавы пост пра Ілана Маска з нецэнзурнай лаянкай
29.01.2024
