“Пакістанскі фонд прэсы” накіраваў ліст на імя Лукашэнкі, выказваючы занепакоенасць лёсам Паўлаўца і Алімкіна

Паводле інфармацыі ад “Беларускай асацыяцыі журналістаў», Дзмітры Алімкін і Юры Паўлавец правялі каля чатырох тыдняў пад арыштам, ім пагражае да 12 гадоў пазбаўлення волі за “распальванне расавай нянавісці” праз артыкулы і блогі.

Артыкулы, з‑за якіх адбыліся арышты, былі апублікаваныя на сайтах Reg­num, Lenta.ru, пад аўтарствам Юрыя Паўлаўца (псеўданімы Мікалай Радаў і Павел Юрынцаў) і Дзмітрыя Алімкіна (псеўданім Ала Бронь).

Алімкін, настаўнік з паўднёва-заходняга горада Брэста, і Паўлавец, выкладчык ва ўніверсітэце ў Мінску, былі затрыманыя 6 снежня.

У адпаведнасці з артыкулам 19 “Міжнароднага пакта аб грамадзянскіх і палітычных правах”, ратыфікаваным Беларуссю, любыя абмежаванні на свабоду выказвання павінны быць законнымі і сувымернымі з неабходнасцю.

 PPF заклікае ўлады вызваліць блогераў і гарантаваць, што яны атрымаюць справядлівае судовае разбіральніцтва, тым самым пацвярджаючы  прыхільнасць свабодзе выказвання меркаванняў.