У Лунінецкай філіі БАЖ падвялі вынікі года і абралі новага старшыню

Подчас справаздачна-выбарчага сходу сябры філіі адзначылі, што год быў досыць насычаны мерапрыемствамі.

У сакавіку на базе філіі адбыўся міжрэгіянальны трэнінг па працы з сацыяльнымі сеткамі, які правёў медыяэксперт Паўлюк Быкоўскі.

Выбарчай кампаніі быў прысвечаны прэс-клуб “Асвятленне грамадска-палітычнага жыцця ў рэгіянальных СМІ”.

У гэтым годзе прэміі і дыпломы памяці БАЖажаўца Віктара Філатава атрымалі літаратар Сцяпан Нефідовіч і спартыўны аглядальнік Андрэй Сыцін.

Прайшоў трэці футбольны турнір памяці Віктара Філатава, у якім перамагла каманда “Информ-прогулкі”.

У гэтым годзе лунінецкія БАЖаўцы правялі традыцыйныя “Вераснёўскія сутрэчы разам з БАЖ” — выступілі ў каледжы, школах, перад чытачамі ў Мікашэвічах, распавялі пра дзейнасць грамадскага аб’яднання і ролю ў ім Лунінецкай філіі. Падчас такіх сустрэчаў гучаць першыя творчыя спробы навучэнцаў, праводзяцца віктарыны і ўручаюцца прызы.

У верасні ў Лунінцы адбыўся сёмы круглы стол літаратараў і журналістаў “Мова — сакральная ці інструментальная”, на які з’ехаліся сябры арганізацыі з усёй Берасцейшчыны.

Як і кожны год, лунінецкія БАЖаўцы актыўна выкарыстоўвалі магчымасці па павышэнні адукацыі, удзельнічалі ў семінарах і трэнінгах як у Мінску, так і на базе рэдакцый у Лунінцы.

Прагучалі прапановы па планах на будучы год.

Старшынёй філіі абрана Алена Насковіч, намеснікам старшыні — Вадзім Жылко.