Ток-шоў на ТВЦ: «Украінцы хочуць жыць як нармальныя людзі, а не ў гаўне, як вы» (відэа)

Апошнюю перадачу «Права голасу» на расійскім тэлеканале ТВЦ знялі з эфіру — расійскія яе ўдзельнікі пачалі махаць кулакамі ў адказ на рэплікі польскага журналіста Тамаша Мацейчука, сведчыць запіс перадачы, выкладзены ў інтэрнет.

Глядзець з 23:30.

«Білі паляка за абразу Расіі», — кажа каментар на афіцыйным канале ТВЦ у YouTube.

Мацяйчук удзельнічаў у перадачы, прысвечанай трэцяй гадавіне Майдану, на баку прадстаўнікоў Украіны. Амаль уся перадача складалася з кпінаў расійскага боку наконт незавершанасці і непаспяховасці украінскай рэвалюцыі 2013–2014 гадоў.

«Вы ведаеце, які цяпер сярэдні заробак у Расіі?» — прыкладна на 23 хвіліне запісу задаў пытанне Мацяйчук, на што ніводны расійскі ўдзельнік не змог адказаць.

«У Румыніі цяпер сярэдні заробак вышэйшы, чым у Расіі», — заўважыў польскі журналіст.

Параўнанне з Румыніяй відавочна абурыла апанентаў, якія сталі крычаць.

«Украінцы таксама хочуць жыць, як нармальныя людзі, а не ў лайне, як вы», — заключыў паляк.

Пасля гэтага расіяне пагрозліва абступілі Мацейчука, сталі патрабаваць, каб ён пакінуў праграму, а потым пачалі бойку.