У БАЖ працягваецца збор грошай сям’і Паўла Шарамета (Дапоўнена)
21 ліпеня 2016
Чакаецца, што ў пятніцу ў Кіеве адбудзецца развітанне з журналістам. Паводле папярэдняй інфармацыі, у пятніцу ўвечары труну з целам журналіста даставяць у Мінск самалётам і паставяць у храме Усіх Святых у сталічным мікрараёне Усход.
Пра гэта ГА “БАЖ” паведамілі родныя забітага журналіста, якія займаюцца арганізацыяй пахавання.
У суботу развітанне з загінулым журналістам мае адбыцца ў храме Усіх Святых (вул. Каліноўскага, 121) з 11 да 14 гадзіны. Пасля гэтага, як мяркуецца, працэсія накіруецца на Паўночныя могілкі, дзе Паўла Шарамета пахаваюць побач з бацькам.
Разам з тым, родныя Паўла Шарамета папярэджваюць, што ўсе падзеі будуць залежаць ад часу выдачы цела ўкраінскімі ўладамі, і таму інфармацыя можа змяніцца. ГА “Беларуская асацыяцыя журналістаў” будзе інфармаваць пра ўсе змены.
У ГА “БАЖ” пачаўся збор сродкаў на дапамогу сям’і Паўла Шарамета. Збор сродкаў будзе адбывацца ўвесь чацвер і пятніцу з 10.00 да 18.00 у офісе арганізацыі (г. Мінск, вул. Камсамольская, 7 офіс 32). Таксама перадаць грошы можна, скантактаваўшыся з прадстаўнікамі арганізацыі па мабільным тэлефоне +375 29 126–70-98.
@bajmedia
Журналистам станет еще труднее получить информацию из-за новых правил обращений в госорганы
27.12.2023
Папаўненне і скарачэнне ў «экстрэмісцкім спісе» Мінінфарма
16.08.2024
Блогера Аляксандра Ігнацюка вінавацяць у садзейнічанні экстрэмісцкай дзейнасці, вымагальніцтве і паклёпе
11.03.2024
Крымінальную справу супраць кіраўніка «Маланка Медыя» Паўла Марыніча перадалі ў суд
22.02.2024
