У Маскве знайшлі мёртвым апазіцыйнага публіцыста Уладзіміра Прыбылоўскага
13 студзеня 2016
У сваёй маскоўскай кватэры знойдзены мёртвым дзеяч апазіцыі і суаўтар кнігі «Карпарацыя: Расія і КДБ у часы прэзідэнта Пуціна» Уладзімір Прыбылоўскі. Паводле інфармацыі lenta.ru, пра гэта ў сацсетках паведамілі яго калегі Юрый Фельшцінскі і Аляксандр Вярхоўскі.
Уладзімір Прыбылоўскі
«Ніякай дадатковай інфармацыяй на дадзены момант я не маю», — адзначыў у сваім ЖЖ Фельшцінскі.
Вярхоўскі на старонцы ў Facebook падкрэсліў, што пра смерць Прыбылоўскага стала вядома ноччу.
Афіцыйнага пацверджання ў праваахоўных органах гэтая інфармацыя пакуль не атрымала.
Прыбылоўскаму было 59 гадоў. Ён вядомы як кіраўнік інфармацыйна-даследчага цэнтра «Панарама», інтэрнэт-выдання «Антикомпромат» і руху «Субтрапічная Расія».
У студзені 2010-га паведамлялася пра спыненне крымінальнай справы ў дачыненні да Прыбылоўскага. Яго абавязвалі раскрыць звесткі, якія складаюць таямніцу следства, у тэкстах на сайце «Антикомпромат». На думку самога фігуранта справы, следчых зацікавіў матэрыял пра забойства адстаўнога генерал-палкоўніка ФСБ Анатоля Трафімава альбо пра вымагальніцтва ў дачыненні да журналіста Алега Лур’е.
@bajmedia
Іранскі журналіст скончыў жыццё самагубствам на знак пратэсту супраць іранскага рэжыму
18.11.2024
Суд в России признал дипфейк объектом авторского права
07.12.2023
Іранскаму блогеру прысудзілі 12 гадоў турмы за твіт з кропкай
03.09.2024
Полиция задержала двух мужчин, подозреваемых в том, что они бросили учебную гранату на вечеринке журналистов в Риге
26.12.2023
