Звольненыя трое кіраўнікоў РБК. Прохараў можа прадаць мэдыяхолдынг з‑за ціску Крамля
13 мая 2016
Звольненыя шэф-рэдактар расейскай мэдыякампаніі «РосБизнесКонсалтинг» (РБК) Лізавета Асяцінская, галоўны рэдактар газэты РБК Максім Солюс, а таксама галоўны рэдактар інфармацыйнага агенцтва РБК Раман Баданін. Аб гэтым паведамляецца ў афіцыйнай заяве на сайце холдынгу.
Генэральны дырэктар РБК Мікалай Малібога тлумачыць звальненьне супрацоўнікаў немагчымасьцю «прыйсьці да адзінага меркаваньня па частцы важных пытаньняў».
У паведамленьні ўдакладняецца, што пра новыя прызначэньні ў структуры мэдыйных праектаў РБК будзе абвешчана пазьней.
Напярэдадні прэс-сакратар прэзыдэнта Расеі Дзьмітрый Пяскоў заклікаў ня зьвязваць крымінальную справу аб махлярстве ў кампаніі «Байт-Тэлекам» з ціскам на холдынг РБК. Пяскоў таксама паведаміў, што прэзыдэнт Уладзімір Пуцін не сустракаўся з Міхаілам Прохаравым, уладальнікам групы ОНЭКСИМ, у якую ўваходзіць РБК.
29 красавіка было заведзеная крымінальная справа па заяве былога акцыянэра «Байт-Тэлекам» Аляксандра Панова, які сьцьвярджаў, што яго з партнэрам пазбавілі пакета акцый кампаніі на суму больш за 13 мільёнаў даляраў. 11 траўня прадстаўнік РБК Ягор Цімафееў заявіў, што ўгода па продажы 75 працэнтаў акцый кампаніі «Байт-Тэлекам» была зьдзейсьнена ў поўнай адпаведнасьці з заканадаўствам.
«Газета. Ru», спасылаючыся на ўласныя крыніцы, пісала, што Прохараў можа прадаць мэдыяхолдынг з‑за ціску Крамля. Суразмоўцы выданьня зьвязвалі гэта з публікацыямі РБК пра меркаваную дачку Ўладзіміра Пуціна Кацярыну Ціханаву і бізнэсмэна Кірыла Шамалава, якога называлі яе мужам.
@bajmedia
За антысеміцкі анекдот журналістку ютуб-канала «Живой гвоздь» адхілілі ад эфіру
24.10.2023
Жыхарку Эстоніі, якая працавала на «Россия сегодня», абвінавацілі ў дзяржздрадзе
07.08.2024
Сотрудники общественных СМИ Польши отказываются покидать рабочие места после реорганизации
12.01.2024
«Гэта вайна камунікацый». Міжнародная федэрацыя журналістаў заклікала пазбягаць фэйкаў пры асвятленні вайны
20.10.2023
