Справу Аліны Скрабуновай закрылі (Абноўлена)
26 ліпеня 2015
Суддзя Ленінскага раёна г. Магілёва Алена Волкава спыніла вытворчасць па справе Аліны Скрабуновай, бо скончыўся тэрмін прыцягнення яе да адказнасці.
Журналістку звінавачвалі ў парушэнні часткі 2 арт. 22.9 КаАП РБ (незаконны выраб і распаўсюд прадукцыі СМІ).
Першыя судовыя пасяджэнні адбыліся 23 і 24 ліпеня, і абодва разы суддзя задавальняла хадайніцтвы журналісткі пра перанос слуханняў. Магілёўскі праваабаронца Барыс Бухель, які меў магчымасць азнаёміцца з матэрыяламі справы, кажа пра шматлікія парушэнні, дапушчаныя ў афармленні дакументаў міліцыянтамі Ленінскага РАУС . Ён не выключае, што з гэтай прычыны суд і вырашыў «спусціць справу на тармазах», дачакаўшыся заканчэння тэрміну яе даўніны.
Справу завялі на падставе сюжэту пра магілёўскі завод “Строммашына”, што выйшаў на тэлеканале «Белсат» 26 мая.
Агульная сума штрафаў журналістам паводле арт. 22.9 КаАП на сёння складае на сёння 133 млн 280 тыс. рублёў (больш за 8 тыс. еўра).
У чаканні судоў знаходзіцца яшчэ шэраг журналістаў, на якіх складзеныя пратаколы па 22.9 КаАП: у прыватнасці, Алесь Ляўчук, Таццяна Смоткіна, Алесь Дзянісаў, Алесь Кіркевіч, Аліна Літвінчук, Ігар Барысаў.
@bajmedia
Польскія журналісты заклікалі сейм і сенат расказваць пра Анджэя Пачобута на міжнародным узроўні
27.11.2023
«Пачобут не хоча пакідаць Беларусь без магчымасці туды вярнуцца» — канцылярыя прэзідэнта Польшчы
09.08.2024
Асуджанага відэаператара Андрэя Толчына накіравалі ў магілёўскую калонію № 15
18.06.2024
Асуджаных журналістаў Яўгена Глушкова і Алеся Сабалеўскага МУС унёс у спіс «экстрэмістаў»
11.10.2024
