“Народная воля” – сярод прэтэндэнтаў на ўзнагароду “Index on Censorship”

У апублікаваным лонг-лісце прэтэндэнтаў у намінацыі “Журналістыка” – беларуская недзяржаўная газета “Народная воля”. Разам з ёй там фігуруюць французскі часопіс “Char­lie Heb­do”, азербайджанская журналістка Хадзіджа Ісмаілава і іншыя вядомыя журналісты і медыяпраекты.   

Вынікі конкурса маюць абвесціць 19 студзеня 2016 года, а цырымонія ўзнагароджання запланаваная на красавік.

З Беларусі ў лонг-лісце фігуруе таксама Беларускі свабодны тэатр (у намінацыі “Мастацтва”).

Няўрадавыя арганізацыі і медыяарганізацыі намінавалі на прэмію журналістаў і грамадскіх актывістаў, чыя сфера дзейнасці – свабода слова, у чатырох катэгорыях:

• Прававая абарона,
• Грамадзянская актыўнасць у галіне лічбавай журналістыкі,
• Журналістыка,
• Мастацтва.