Журналіста «НЧ» выдалілі з участку для галасавання (відэа)
23 верасня 2012
23 верасня, у асноўны дзень галасавання на парламенцкіх выбарах, Вольга Смірнова, старшыня участковай выбарчай камісіі №752, якая месціцца ў мінскай школе №148, выдаліла журналіста НЧ з памяшкання для галасавання. Мікіта Броўка вёў здымкі на выбарчым участку пасля яго закрыцця і планаваў зафіксаваць на відэа працэс падліку галасоў.
Нягледзячы на тое, што журналіст ужо быў запісаны ў адпаведны журнал уліку прадстаўнікоў СМІ і паспеў бесперашкодна паздымаць на ўчастку, напрыканцы дня галасавання Вольга Смірнова не хацела пускаць яго ў памяшканне для галасавання. Яна спасылалася на нейкае «рашэнне акруговай камісіі», згодна з якім прысутнасць на ўчастках пазаштатных карэспандэнтаў СМІ не дазваляецца.
Тым не менш, Мікіта здолеў патрапіць на ўчастак. Але неўзабаве Вольга Смірнова патлумачыла, што дазваляе пазаштатнаму карэспандэнту прысутнічаць на ўчастку «толькі ў выглядзе выключэння, але без відэакамеры». Заўважыўшы, што журналіст усё адно вядзе здымку, яна запатрабавала супрацоўнікаў міліцыі выдаліць Мікіту Броўку з памяшкання.
Нагадаем, паводле артыкула 13 Выбарчага кодэксу, прадстаўнікі сродкаў масавай інфармацыі маюць права прысутнічаць у памяшканнях для галасавання. Весці відэаздымку журналістам дазваляе закон «Аб сродках масавай інфармацыі». Такім чынам, старшыня ўчастковай камісіі непасрэдна парушыла выбарчае заканадаўства і прафесійныя правы журналіста.
@bajmedia
Бондарава заявіла, што выйграла суд у прадзюсера папулярных блогераў
08.08.2024
Экс-вядучая перадачы пра футбол на БТ Крысціна Козел вучыцца на нумаролага
16.10.2023
Сёння за кратамі сустракае свой Дзень народзінаў беларуская экспертка, палітолаг Валерыя Касцюгова. Ёй спаўняецца 56 гадоў
30.12.2023
Расійская платформа «Дзэн» заблакавала канал выдання REFORM.news
06.09.2024
