Адбыўся допыт Каравянковай у прысутнасці яе адваката
9 жніўня 2018
Сёння адбыўся допыт у Следчым камітэце журналісткі БелаПАН Таццяны Каравянковай.
Допыт Каравянковай адбываўся ў прысутнасці яе адваката.
Нагадаем, што заўтра ў 11.10 сканчваецца тэрмін яе затрымання. І на заўтра ж прызначана наступнае следчае дзеянне, але час не агучаны.
Таццяна Каравянкова атрымала перадачу ў ізалятар і дзякуе ўсім, хто ёй дапамагае. Яна адчувае ў цэлым сябе нармальна — настрой бадзёры. Праўда, скардзілася на падвышаны ціск.
Усе гэтыя дні Таццяна знаходзілася ў ізалятары на Акрэсціна. Аднак ні з кім з фігурантаў «справы БелТА» не перасякалася.
Нагадаем, Таццяну Каравянкову затрымалі 7 жніўня. У першы ж дзень яе дапытвалі ў Следчым камітэце. Допыт адбываўся ў прысутнасці дзяжурнага адваката. Адваката, з якім журналістка мела дамову, тады не пусцілі да яе. Таццяна адмовілася даваць паказанні.
У мінскай кватэры Таццяны Каравянковай і ў доме яе мамы ў Гродненскай вобласці былі ператрусы, забралі тэхніку.
Таццяна Каравянкова, як і іншыя журналісты, затрыманая на 72 гадзіны.
@bajmedia
«Да заказчыкаў яшчэ далёка». Экс-кіраўнік МУС Украіны Юры Луцэнка — пра справу Паўла Шарамета
28.08.2024
Детский ютуб — это эксплуатация? Мнение исследовательницы новых медиа Екатерины Колпинец
17.12.2023
Як атрымліваць кайф ад футбола, застаючыся журналістам? Гутарка са Змітром Міцкевічам
05.09.2024
«Ва ўкраінцаў ёсць такая рыса, якая можа падацца беларусам грубасцю». Алесь Плотка — пра гомельскі андэграўнд, Ціханоўскага арт-дырэктара і жонку-ўкраінку
07.10.2023
