Затрыманне ўкраінскага шпіёна: меркаванне Андрэя Паротнікава

Зараз у мяне тры пытанні:

1. Каго вышлюць ўкраінцы ў адказ на высылку Скварцова;

2. Ці абмяняюць Шаройку на нашага шпіёна ва Украіне, якога прыхапіла СБУ летам і, дарэчы, у Чарнігаўскай вобласці (а гэта як раз той выпадак, калі месца характарызуе чалавека);

3. Перадаваць сакрэтную ваенна-палітычную інфармацыю за грошы мог толькі прадстаўнік адной з двух структур — Савета бяспекі або цэнтральнага апарата Мінабароны. Проста ў іншых месцах што такое «сакрэтная ваенна-палітычная інфармацыя» ніхто ведаць не ведае.

А наогул, вядома, ўся сітуацыя — мінус і Лукашэнка, і Парашэнка. — Якія не змаглі забяспечыць вырашэнне пытання па-ціхаму, з абменам людзьмі і адкліканнем дыпламатаў. — Як, хутчэй за ўсё і планавалася першапачаткова.

Гэта значыць нашы-та змаглі б, але вось ўкраінскі бок не стрымаўся. Думаю, зараз панясецца: нездарма КДБ так аператыўна пачаў даваць інфу. Значыць у Мінску прыпякае.

Дрэнна гэта вядома всё ((( І так — сам па сабе шпіянаж — паўсядзённая дзейнасць любой дзяржавы нават у дачыненні да саюзнікаў. Так што шпіёніць адно за адным — не сорамна. А вось трапляцца і апынуцца няздольнымі вырашыць пытанне без шуму і пылу — гэта праблема.