Арцём Гідзін: Як самастойна аптымізаваць SEO для сайтаў СМІ

Паводле Гідзіна, на сённяшні дзень існуюць тры асноўныя праблемы навінавых сайтаў на шляху да SEO-аптымізацыі:

1. Праграмная распрацоўка сайта – гэты паказчык найменш залежыць ад рэдакцыі.

2. Кантэнт і яго адментасць – чужы кантэнт гэта вялікі мінус. Трэба рабіць хаця б мінімальны рэрайт любога тэксту.

3. Зацікаўленасць аўтараў – журналісты пішуць добрыя навіны і ствараюць кантэнт, але не разумеюць, як можна паляпшаць свае тэксты для пошукавых запытаў.                       

У SEO-аптымізацыі ёсць рэдактарская і праграмная частка. Арцём Гідзін расказаў, як падправіўшы толькі рэдактарскую частку, можна самастойна, без вялікіх зменаў наладзіць сайт СМІ.

Тэхніка аптымізацыі сайтаў СМІ

Існуюць чатыры асноўныя правілы аптымізацыі:

1. Тэгаванне – у кожным артыкуле павінне быць тэг! Напрыклад, калі ў артыкуле ідзе гаворка, што Украіна ўваходзіць у Еўразвяз, дык абавязкова павінны быць як мінімум тэгі «Еўразвяз», «ЕЗ», «Украіна»

Чым лепей прапісаныя тэгі, тым лепш індэксуецца пошукавымі сістэмамі ваш артыкул. Акрамя загалоўкаў, па гэтым меткам Google і Яндэкс знаходзяць вашыя артыкулы.

2. Працы па структуры і Sitemap

Структура сайта павінна быць як мага прасцейшай. Для гэтага трэба каб:

- змяншаўся ўзровень ўкладзеных значных старонак – рэкамендавана, каб на любую вашу старонку карыстальнік мог патрапіць не больш чым за два клікі

- настройка ЧПУ адрасу – нельга, каб у адрасе старонкі трапляліся кропкі і іншыя сімвалы – толькі лацінскія літары, лічбы і працяжнікі.

- многаўзроўневая мапа сайту – у большасці анлайн-выданняў яна не працуе, што ускладняе працу з Google. Не наладзіўшы яе, ваш сайт не трапіць і ў Google-навіны.

Мапа сайта – гэта старонка, якая утрымлівае структуру вашага вэб-сайту. Яна звычайна складаецца з шматўзроўневага спісу старонак. Наведвальнікі могуць звяртацца да яе, калі ім цяжка знайсці патрэбныя раздзелы. Пошукавыя робаты наведваюць таксама гэтую старонку і выкарыстоўваюць яе для сканавання вашага сайта.

3. Мабільнасць

Ваш сайт павінен быць адаптыўным для мабільных прыладаў.

Наяўнасць мабільнага прыкладання ці адаптыўная версія сайта – сёння абавязковая ўмова для паспяховай SEO-аптымізацыі. Калі ў вашага сайта ёсць мабільнае прыкладанне – пошукавая сістэма дадае вам «плюсік» і павышае ваш рэйтынг. Адаптыўны дызайн сайта Google залічвае, як мабільнае прыкладанне.

4. Аўтаматычная пералінкоўка

Пералінкоўка ў сярэдзіне сайта – азначае, што ўнутраная старонка (артыкул) утрымлівае ў сабе гіперспасылкі на іншыя старонкі вашага рэсурсу. Калі на нейкі артыкул спасылаецца вялікае колькасць ўнутранных старонак, тык яна прызнаецца пошукавым робатам найбольш значнай на сайце. Гэты паказчык ўплывае на ранжаванне, і такі артыкул ці старонку лягчэй вывесці ў топ пошуку.

Рэакамендавана, каб аўтаматычная пералінкоўка ў кожным артыкуле адбывалася па наступных параметрах:

- Свежыя навіны па раздзелу;

- Навіны па тэме;

- Навіны па тэгу;

- Самае каментаванае; 

- Самае папулярнае;

Гэтыя блокі павінны быць у кожным артыкуле. Рэдактарская SEO-аптымізацыя кантэнту cкладаецца з 4 абавязковых правілаў, якія павінны выкарыстоўвацца рэдактарамі і журналістамі.

Методыка мазгавога штурму пры выбары ключавых словаў ў загалоўку і тэгах

Калі ў Турцыі адбыўся тэракт, з’явілася шмат інфармацыі пра гэты выпадак. Навіны абнаўляліся вельмі хутка. І вось тады, шмат украінскіх сайтаў няправільна пачалі пісаць загалоўкі. Яны не змяшчалі словы «Турцыя», «тэракт», а пісалі «Эрдган заявіў…» і на гэтым гублялі наведвальнасць, бо пошукавыя службы іх «не заўважалі».

Пералінкоўка ўручную – артыкул павінен на сайце дапрацоўвацца журналістам – уручную дадавацца гіперссылкі, выявы, падзагалоўкі цытаты, каб пошукавыя сыстэмы яго адзначылі. Гэта таксама больш зручна і для чытача.

Прагназаваныя падзеі – загадзя ведаючы пра нейкія падзеі, можна на гэтым «зарабіць». Галоўнае падрыхтавацца загадзя.

Напрыклад, мы ведалі, што хутка пачнецца Ліга чэмпіёнаў. Да яе адкрыцця мы падрыхтавалі падборку цікавых фактаў і атрымалі да 3500 дадатковых унікальных наведвальнікаў. Пакуль іншыя толькі пачыналі пісаць навіны пра адкрыццё, нас ужо індэксавалі пошукавыя сістэмы. У такіх выпадках таксама трэба добра прапісваць тэгі.

Непрагназаваныя падзеі – маецца такая прылада як Google Hot Trends, якая дазваляе пабачыць, якія падзеі сёння цікавяць людзей. Трэба гэта адсочваць, бо магчыма мы прапусцілі нешта значнае! А на сайце Key­word­tool можна падгледзець, што людзі цяпер шукаюць у нэце.

Прылады працы для лепшай аптымізацыі

- На сайце Glvrd.ru – можна даведацца паказчык якасці вашага кантэнту, Калі ён меньшы за 7, значыцца ваш артыкул напісаны кепска.

- На сайце content-watch.ru можна прагледзець, ці унікальны ваш кантэнт. Гэты паказчык павінен быць не меньш за 90%

- Сайт advego.ru/text/seo дазваляе выявіць шчыльнасць ключавых словаў (якая мусіць быць не болей за 3%), “вады” ў тэксце (не болей за 70%) і праверыць адсутнасць граматычных памылак.

У выніку, па словах Арцёма Гідзіна, поспех сайта СМІ найперш залежыць ад людзей, якія там працуюць. І самае галоўнае – гэта паляпшэнне якасці кантэнту.

Аўтар публікацыі выказвае асаблівую падзяку Прэс-клубу за дапамогу ў арганізацыі паездкі на Медыякангрэс.