Андрэй Бастунец: Павал заставаўся і застаецца знакавай асобай у беларускай журналістыцы

– Вельмі цяжка. Мы з Паўлам не былі блізкімі знаёмымі, але ж добра ведалі адзін аднаго. Сустракаліся і ў Мінску, і ў Маскве, і ў Вільнюсе… Калісьці я нават пачынаў весьці блог на «Беларускім партызане», але потым кінуў: не хапала часу пісаць нават для baj.by.

Апошнім часам Павал працаваў ва Украіне, але заставаўся знакавай асобай у беларускай журналістыцы. Заставаўся – і застаецца. Але ж у гэткія хвіліны думаеш не пра знакі і прафесію, а пра – чалавека. Якога больш няма. Жудасна. Спачуванні родным і блізкім…