«Не магло быць інакш, улічваючы, што 20 гадоў бесперапынна парушаліся правы на свабоду выказвання»
14 кастрычніка 2015
Спецдакладчык ААН па сітуацыі ў Беларусі Міклаш Харашці пракаментаваў прэзідэнцкія выбары, якія прайшлі 11 кастрычніка. Ён лічыць, што "выбарчы працэс быў зрэжысаваны, а вынік — прадвызначаны". Тэкст заявы апублікаваны на сайце ўпраўлення вярхоўнага камісара ААН па правах чалавека, – перадае БелаПАН.
Харашці адзначыў, што акцыі супраць фальсіфікацыі вынікаў выбараў не разганяліся з прымяненнем сілы, але пры гэтым выказаў шкадаванне, што не было ніякага прагрэсу ў забеспячэнні права беларусаў на сумленныя і адкрытыя выбары.
«Не магло быць інакш, улічваючы, што 20 гадоў бесперапынна парушаліся правы на свабоду выказвання, сходаў і аб’яднанняў, якія з’яўляюцца абавязковымі ўмовамі для рэальнай канкурэнцыі», — заявіў спецдакладчык.
Сп. Харашці звярнуў увагу на атмасферу запалохвання падчас выбарчай кампаніі, у тым ліку шляхам пагроз аб прыцягненні да крымінальнай адказнасці за заклікі да байкоту.
Сярод рэкамендацый па паляпшэнні сітуацыі ў краіне Міклаш Харашці назваў правядзенне рэформ у сферы дзейнасці СМІ.
@bajmedia
Журналіст Ігар Палынскі: «Эміграцыя поўнасцю змяніла маё жыццё»
24.06.2024
«Не хочацца загадваць надалей». Вольга Івашына — пра жыццё з нуля і змену прафесіі ў эміграцыі
26.04.2024
«Адчапіцеся ад Дашы Лосік!» Што варта пісаць пра палітвязняў, а пра што лепш памаўчаць
07.06.2024
«Сьціснуць зубы, зьберагчы сябе і дачакацца вызваленьня». Што вядома пра зьняволеную журналістку Кацярыну Андрэеву
06.10.2023
